Kereban Ngajar Jaku Iban Primari Satu [Tema Dunya Penemu]

Maya ngajar mata pelajar Bahasa Iban Primari Satu, kereban tu tau dikena.
Semua kereban tu dalam Tema Dunya Diri Empu.

Ngarapka semua kereban tu ulih nulung semua kitai.

Kereban Ngajar Jaku Iban Primari Satu [Tema Dunya Ensera enggau Cherita]

Maya ngajar mata pelajar Bahasa Iban Primari Satu, kereban tu tau dikena.
Semua kereban tu dalam Tema Dunya Ensera enggau Cherita.

Ngarapka kereban tu ulih nulung semua kitai.

Kereban Ngajar Jaku Iban Primari 1 [Tema Dunya Diri Empu]

Maya ngajar mata pelajar Bahasa Iban Primari Satu, kereban tu tau dikena.
Semua kereban tu dalam Tema Dunya Diri Empu.

 

Ngarapka semua kereban tu ulih nulung semua kitai.

Ayat Ngena Lambang Fonetik

Selamat pagi bala pemacha.
Dalam entri tu, aku deka nyaut tanya latih Fonetik enggau Fonologi.

Tulis 15 iti ayat ngena lambang fonetik ke engkeman (31 Januari 2014)

1. Peda dik, ngena ngepan Iban. Iba nya. Stephanie Jeffery. Kala itu ba radio.

[#pəda’ diɁ/ ɳəna’ ɳəpan iban// iban ɲa’// stephanie ǰeffərj// kala’ itu’ ba’ radio//#]

 

2.  Tua pulai ari Kuching suba, semuto enggau urang nya wai, nepan seperis.

[#tua pulay ari kučiɳ suba’/ səmuto əɳgaw uraɳ ɲa’ way/ nəpan səpəris//#]

 

3. Bisi ubat empa sida iya.

[#bisi’ ubat əmpa’ sida’ ija//#]

 

4. Ketawa aki ninga sembayang.

[#kətawa’ aki’ niɳa səmbajaɳ//#]

 

5. Nadai jai utai endur orang nya.

[#naday ǰayy’ utay əndur ohaɳ ɲa’//#]

6. Kumbai iya nimang iya. Laban nya baka orang ke betimang.

[#kumbay ija nimaɳ ija// laban ɲa’ baka oraɳ kə bətimaɳ//#]

 

7. Diatu udah dara, engka mesai Suda kini.

[#diyatu’ udah daha/ əɳka məsay suda kini//#]

 

8. Nya bai iya tetingkap lengan iya, telajak, ko aku. Aku nyu lelak ngambi.

 [#ɲa’ bayi’ ija tətiɳkap ləɳan ija/ təlaǰaɁ/ ko’ aku// aku ɲu ləlaɁ ɳambi’//#]

 

9. Bisa puchau apai tuai nya akih. Iya alu jenuh. Alu badu nyabak.

[#bisa pučaw apay tuway ɲa’ akih// ija alu jənuh/ alu badu’ ɲabaɁ//#]

 

10. Iya nemu iya enda kala nengah jalai nya.

[#ija nəmu ija ənda’ kala’ nəɳeh jalay ɲa’//#]

 

11. Nyamai nya enti dempa kini?

[#ɲamay ɲa ənti’  dəmpa’ kini? #]

 

12. Nama enggai enda lelingut kini?

[#nama əɳgay ɲadi ənda’ ləliɳut kini?#]

13. Jarang enda lelingut ngutaika nya peda aku.

 [#ǰaraɳ ənda’ ləliɳut ɳutayka ɲa’ pəda’ aku//#]

 

14. Maya nemuai ngagai sida inik iya, bangat ka bejalai sida tu.

[#maja nəmuay ɳagay sida’ ini’ ija/ baɳat ka’ bəjalay sida' tu'//#]

15. Buk iya nya lain ngelama tu.

[#buɁ ija ɲa’ lain ɳəlama’ tu’//#]

 
Nyadi tu meh chunto ayat ke ditulis ngena lambang fonetik.

Nangka tu dulu entri aku ke serak tu.
Nya aja. Mupuk dulu.

Tikai Bebuah Inovasyen

Selamat pagi bala pemacha. Selamat pulai kemisi. Selamat Taun Baru Cina.

Pagi tu, aku deka bekunsi enggau kita senentang siti ari keranjai jari kitai Iban ti enda punas taja diduju singkang pemansang iya nya tikai bebuah inovasyen.

Baka nya meh gamal iya. Tikai tu ending tikai bebuah. Tang aku nambahka leka jaku "inovasyen" ba ujung nama iya laban tikai tu digaga ngena tali getah tauka tali kutak. Tikai asal kitai Iban digaga ari bemban tang tikai ke mayuh dianyam diatu digaga ari tali kutak. Nama kebuah ngena tali kutak? Kati alai enda ngetanka adat kitai empu beranyam ngena bemban? Nyangka dua iti tanya tu bisi ngerimbas runding kitai.

Tanya dua iti tu kala dikenataika aku ngagai indai aku (Tikai bebuah tu dianyam indai aku, anyam ke jual). Saut iya pandak aja. "Ngambi buah anyam enda punas". Punas baka ni deh? Ku indai aku madah, bemban diatu tusah digiga. Menua jauh udah bebali ari kelia. Bisi ga apai aku nanam bemban sepun dua, tang nya enda chukup dikena ngetanka semua bansa buah tikai. Nya alai, dikena ngetanka buah anyam tu, sida ke tuai ngambi jalai muntang, ngaga tikai ngena tali kutak aja. Agi ka meda tikai ke bukai?

Bisi siti agi bedau tembu. Agi dalam proses.

Ngarapka kitai nembiak rebak baru ransing ati belajar beranyam ba sida ke tuai ngambika keranjai jari bansa kitai tu enda punas.

Nya aja ari aku.
Enti deka nemu enggau silik senentang tikai bebuah inovasyen tu (bisi asai deka meli @ ngudar), tau betanya ngagai aku ba Facebook aku Suda Lunyong. :)
Mupuk dulu.

Tanya Kereja Kus

Selamat pagi ngagai bala pemacha. Seharitu, kami sebuat bulih Tanya kereja kus BIB3103 Ngajar enggau Belajar Jaku Iban Ngena Komputer. Nyadi objektif projek iya baka ti dibaruh tu:

1. Ngumpul sereta  ngagihka kereban nitihka tema dalam Dokumen Standard sereta seriran enggau tikas primari ke dipilih.

2. Ngaga laman web (Kediri) sereta ngundan kereban ari pengawa ba lumur 1. Kelimpah ari nya, kereban bukai ke seriran ulih mega disimpan dalam web.

3. Ngasilka kereban ngajar enggau belajar audio-visual mata pelajar Jaku Iban sekula primary, nitihka primary ti dipilih ngena power point tauka chara elektronik ke bukai.

4. Merambu sereta ngatur eksibisyen bekaul enggau kereban ti udah diasilka.

5. Ngasilka refleksyen ti bekaul enggau kereja kus.

Nyadi semua kereban tu ila deka disimpan ba blog tu. Anti aja meh.
Nya aja ari aku. Mupuk dulu.

Latih BIB 3103 (1/2015)

KEREJA LATIH (26.01.2014)

Nengkebang Tanya kereja latih ungkup :
1.  Sintaksis
2.  Morfologi
3.  Fonetik & Fonologi
4.  Semantik

Tanya Sintaksis
1. Terangka enggau ngelansa empat bengkah frasa dalam Jaku Iban.
2. Beri empat iti chunto ayat ti ngundan jaku pengawa ukai transitif nadai bepenembu.
3. Terangka enggau ngelansa empat iti bansa ayat.
4. Terangka reti ayat aktif enggau ayat pasif lalu disempulangka enggau chunto.

Tanya Morfologi
1. Terangka empat iti proses nempa leka jaku.
2. Terangka enggau ngelansa dua raban jaku pengawa.
3. Terangka semilan raban jaku adjektif lalu disempulangka enggau chunto.
4. Padahka reti jaku penguat dalam Morfologi Jaku Iban.

Tanya Fonetik & Fonologi
1. Terangka bida fonetik enggau fonologi.
2. Terangka chara ngasilka munyi konsonan letup dua mulut bemunyi lalu disempulangka enggau chunto.
3. Terangka chara ngasilka munyi vokal mua setengah ngerupit lalu disempulangka enggau chunto.
4. Terangka chara ngasilka munyi diftong belakang setengah ngerupit lalu disempulangka enggau chunto.

Tanya Semantik
1. Terangka Teori Segi Tiga Semiotik lalu disempulangka enggau chunto ti seriran.
2. Terangka enggau lenak penatai terminologi Jaku Iban.
3. Padahka bansa reti leksikal dalam Jaku Iban.
4. Padahka ubah semantik ke bisi dalam Jaku Iban.