Sintaksis

Selamat betemu baru bala pemacha.. Entri aku ke serak tu deka bekaul enggau kus Sintaksis.

Nitihka penemu Dr. Chemaline enggau Padang (2011), sintaksis tu iya nya siti pampang penemu ti betungkapka tukuh, struktur enggau konstruk ayat. Sintaksis mega nentuka atur tauka ukum jalai jaku ti bepelasar ba ripih jalai bejantilka leka jaku, nusun leka jaku enggau raban leka jaku dikena nempa ayat dalam jaku Iban. Kelimpah ari nya, bidang sintaksis mega bejuraika analisis sesebengkah jaku, berengkah ari pekara ti pemadu mudah nyentukka pengerembai ayat nyadi ayat kompleks. Siti ari subtopik ke bisi dipelajar dalam Sintaksis Jaku Iban iya nya Ayat.

Ayat ngundan leman klausa. Klausa nyadi ari leman frasa. Frasa nyadi beduduk ari mayuh leman leka jaku. Nya alai, ayat tu dipeda ba palan ti pengambis tinggi dalam tapis jalai jaku. Ayat tau nyadi ari seleka leka jaku tauka ari dijir leka jaku. Ayat mega bisi ngembuan entelian kediri empu Ayat tau dibagi ngagai dua raban iya nya ayat pelasar enggau ayat tumbuh.

Ayat pelasar iya nya ayat ti nyadi pelasar ngagai ayat ti bukai dalam sesebengkah bansa jaku. Nyadi ayat pelasar tu ngundan empat iti pola enggau leman pengisi.
     Pola 1  :  Frasa Nama  +  Frasa Nama
     Pola 2  :  Frasa Nama  +  Frasa Pengawa
     Pola 3  :  Frasa Nama  +  Frasa Adjektif
     Pola 4  :  Frasa Nama  +  Frasa Jaku Penempat

Nangka tu dulu entri ke serak tu. Informasyen bukai deka dikenataika aku jemah ila.
Nya aja. Mupuk dulu.